ಏಪ್ರಿಲ್ 6, 2025: ಶ್ರೀರಾಮನವಮಿಯನ್ನು ಈ ರೀತಿಯಲ್ಲಿ ಆಚರಿಸಿದರೆ, ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆ ಖಚಿತ! ಇಲ್ಲಿದೆ ಅದರ ಕಂಪ್ಲೀಟ್ ಡೀಟೇಲ್ಸ್ ನೋಡಿ
Join us on WhatsApp
Follow us on Facebook
Follow us on Telegram
ನಾಳೆ ರಾಮನವಮಿ: ಶ್ರೀರಾಮನ ಜನ್ಮದಿನದ ಧಾರ್ಮಿಕ ಮಹತ್ವ, ಆಚರಣೆಗಳು ಮತ್ತು ಆತ್ಮಸಾತ್ತ್ವಿಕ ಶಕ್ತಿ!
ಭಾರತೀಯ ಸಂಸ್ಕೃತಿಯಲ್ಲಿ ರಾಮನವಮಿಯ ಸ್ಥಾನ :
ಭಾರತೀಯ ಧರ್ಮ, ಸಂಸ್ಕೃತಿ ಹಾಗೂ ಸಂಪ್ರದಾಯಗಳಲ್ಲಿ ರಾಮನವಮಿ ಅತ್ಯಂತ ಶ್ರೇಷ್ಠವಾದ ಹಬ್ಬಗಳಲ್ಲಿ ಒಂದು. ಚೈತ್ರ ಮಾಸದ ಶುಕ್ಲ ಪಕ್ಷದ ನವಮಿಯಂದು (ಅಂದರೆ ಒಂಭತ್ತನೇ ದಿನ) ಶ್ರೀರಾಮನು ತ್ರೇತಾಯುಗದಲ್ಲಿ ಜನಿಸಿದ ದಿನವೆಂಬ ನಂಬಿಕೆಯಿಂದ ಈ ಹಬ್ಬವನ್ನು ಶ್ರೀ ರಾಮನವಮಿ ರೀತಿಯಾಗಿ ಆಚರಿಸಲಾಗುತ್ತದೆ. ಈ ವರ್ಷ ರಾಮನವಮಿ ಏಪ್ರಿಲ್ 6, 2025, ಭಾನುವಾರದಂದು ಬರುತ್ತದೆ.
ರಾಮನವಮಿಯ ಧಾರ್ಮಿಕ ಮಹತ್ವ:
ತ್ರೇತಾಯುಗದಲ್ಲಿ ಪೃಥ್ವಿಯಲ್ಲಿ ಸಾತ್ತ್ವಿಕತೆಯ ಪ್ರಮಾಣ, ಅಯೋಧ್ಯಾವಾಸಿಗಳ ಭಕ್ತಿ, ಮತ್ತು ಶ್ರೀವಿಷ್ಣುವಿನ ಸಂಕಲ್ಪ ಈ ಎಲ್ಲವುಗಳು ಒಂದಾಗಿ ಪ್ರಭು ರಾಮನ ಅವತಾರಕ್ಕೆ ಶೇಕಡಾ ೧೦೦ರಷ್ಟು ಶಕ್ತಿಯನ್ನು ನೀಡಿದವು. ರಾಮನವಮಿ ದಿನದಂದು ವಿಷ್ಣುಲೋಕದಿಂದ ರಾಮತತ್ತ್ವ ಭೂಲೋಕದ ದಿಕ್ಕಿನಲ್ಲಿ ಪ್ರಕ್ಷೇಪಿತವಾಗಿ, ಸಾತ್ತ್ವಿಕ ಶಕ್ತಿ ಮತ್ತು ಚೈತನ್ಯವನ್ನು ಇಡೀ ಬ್ರಹ್ಮಾಂಡದಲ್ಲಿ ಹರಡುತ್ತದೆ.
ಈ ದಿನ ರಾಮನ ಅಂಶಾತ್ಮಕ ಶಕ್ತಿ ಭೂಲೋಕದಲ್ಲಿ ಕಾರ್ಯನಿರತವಾಗುತ್ತಿದ್ದು, ಸಜೀವ ಹಾಗೂ ನಿರ್ಜೀವ ಎಲ್ಲವನ್ನೂ ಪ್ರಭಾವಿಸುತ್ತದೆ. ಪ್ರತಿವರ್ಷ ಚೈತ್ರ ಶುಕ್ಲ ನವಮಿಯಲ್ಲಿ ಈ ಶಕ್ತಿ ಪುನಃ ಸಕ್ರಿಯವಾಗುತ್ತದೆ. ರಾಮನವಮಿಯಂದು ಈ ಶಕ್ತಿಯನ್ನು ಗ್ರಹಿಸುವ ಮೂಲಕ ವ್ಯಕ್ತಿಗೆ ಧಾರ್ಮಿಕ ಶಾಂತಿ, ಮನಸ್ಸಿಗೆ ಶುದ್ಧತೆ ಮತ್ತು ಮನೋಬಲ ಪ್ರಾಪ್ತಿ ಸಾಧ್ಯ.
ರಾಮನ ವೈಶಿಷ್ಟ್ಯತೆಗಳು ರಾಮಾಯಣದ ಕಥನದಲ್ಲಿ:
ಶ್ರೀರಾಮನಲ್ಲಿ ವಿರಾಟನ ಸಾಮರ್ಥ್ಯವಿತ್ತು !
ಶೂರ್ಪಣಖಿಯು ಅವಳ ಸಹೋದರ ಖರ ಮತ್ತು ದೂಷಣ ಹಾಗೂ ೧೦ಸಾವಿರ ಸೈನ್ಯದೊಂದಿಗೆ ಬಂದಾಗ ರಾಮನು ಲಕ್ಷ್ಮಣನಿಗೆ, ‘ನೀನು ಸೀತೆಯನ್ನು ನೋಡಿಕೋ! ಈ ಸೈನ್ಯವನ್ನು ಸೋಲಿಸಲು ನಾನೊಬ್ಬನೇ ಸಾಕು’ ಎಂದು ಹೇಳಿದನು. ಇದರಿಂದ ರಾಮನ ಶೌರ್ಯದ ಕಲ್ಪನೆ ಬರುತ್ತದೆ. ಇಲ್ಲಿ ರಾಮನ ಮನಸ್ಸಿನ ವೈಶಾಲ್ಯವು ತಿಳಿಯುತ್ತದೆ. ರಾಮನ ಮನಸ್ಸು ವಿಶ್ವವ್ಯಾಪಕವಾಗಿತ್ತು. ಅವನು ವಿರಾಟನ (ಈಶ್ವರನ) ಅಂಶವಾಗಿದ್ದನು. ಈಶ್ವರನ ಸಾಮರ್ಥ್ಯವು ಅವನಲ್ಲಿ ಬಂದಿತ್ತು. ಪೃಥ್ವಿ ಮತ್ತು ಪೃಥ್ವಿಯ ಮೇಲಿನ ಸೈನ್ಯವು ಅವನಿಗೆ ನಗಣ್ಯವಾಗಿತ್ತು.
ಪ್ರತಿಯೊಬ್ಬರೂ ಲಕ್ಷ್ಮಣರಾಗಬೇಕು !
ಲಕ್ಷ್ಮಣನು ವನವಾಸದಲ್ಲಿದ್ದಾಗ ರಾಮ ಮತ್ತು ಸೀತೆಯರ ಹಿಂದಿನಿಂದ ಹೋಗುತ್ತಿದ್ದನು. ಲಕ್ಷ್ಮಣನಿಗೆ ರಾಮನ ಬಗ್ಗೆ ಬಹಳ ಪ್ರೇಮವಿತ್ತು. ರಾಮನು ಯಾವಾಗಲೂ ತನ್ನ ಎದುರು ಇರಬೇಕೆಂದು ಅನಿಸುತ್ತಿತ್ತು. ಲಕ್ಷ್ಮಣನು ಯಾವಾಗಲೂ ರಾಮನಾಮವನ್ನು ಜಪಿಸುತ್ತಿದ್ದನು, ಅವನು ರಾಮನನ್ನು ಭಜಿಸುತ್ತಿದ್ದನು. ಇಂತಹ ಈ ಭಕ್ತನು ಮಾಯೆಯ, ಅಂದರೆ ಸೀತೆಯ ಮುಖವನ್ನು ಯಾವತ್ತೂ ನೋಡಲಿಲ್ಲ. ಅವನು ಅವಳ ಪದಕಮಲಗಳ ಕಡೆಗೆ ನೋಡಿ ನಡೆಯುತ್ತಿದ್ದನು. ಅದರಿಂದ ಲಕ್ಷ್ಮಣನ ಮೇಲಿನ ಮಾಯೆಯ ಹಿಡಿತವು ಕಡಿಮೆಯಾಯಿತು ಮತ್ತು ‘ಸೀತಾ-ರಾಮ-ಲಕ್ಷ್ಮಣ’ ಈ ಶಬ್ದವು ನಿರ್ಮಾಣವಾಯಿತು.
ರಾಮಭಕ್ತಿಯ ಸಾಮರ್ಥ್ಯ
ಒಮ್ಮೆ ಅಂಗದನು ರಾಮನ ದೂತನಾಗಿ ರಾವಣನ ರಾಜ್ಯಸಭೆಗೆ ಹೋದನು, ಆಗ ರಾವಣನು ತನ್ನ ಪ್ರಶಂಸೆಯನ್ನು ಮಾಡಿಕೊಂಡು ಅವನನ್ನು ಹೆದರಿಸಿದನು. ಆಗ ಅಂಗದನು ‘ಎಲೈ ರಾವಣನೇ, ಇಲ್ಲಿಯವರೆಗೆ ನಾನು ನಿನ್ನ ಶೌರ್ಯದ ಬಗ್ಗೆ ಕೇಳಿದೆ. ಈಗ ನಾನು ನನ್ನ ಕಾಲನ್ನು ಭೂಮಿಯ ಮೇಲೆ ಇಡುತ್ತೇನೆ, ನೀನು ಅಥವಾ ನಿನ್ನ ಸೈನಿಕರು ಅದನ್ನು ಎತ್ತಿ ತೋರಿಸಬೇಕು ಅಂದರೆ ನಾನು ನಿನ್ನ ಮಾತುಗಳನ್ನು ನಿಜವೆಂದು ನಂಬುತ್ತೇನೆ’ ಎಂದನು. ಅಂಗದನು ‘ಜೈ ಶ್ರೀರಾಮ’ ಎಂದು ತನ್ನ ಕಾಲನ್ನು ಭೂಮಿಯ ಮೇಲೆ ಇಟ್ಟನು. ಆಶ್ಚರ್ಯದ ಸಂಗತಿಯೆಂದರೆ ರಾವಣ ಅಥವಾ ಅವನ ಎಲ್ಲ ಸೈನಿಕರಿಂದ ಅಂಗದನ ಕಾಲನ್ನು ಅಲುಗಾಡಿಸಲೂ ಆಗಲಿಲ್ಲ. ಇದೇ ರಾಮಭಕ್ತಿಯ ಪರಿಣಾಮವಾಗಿದೆ.
More News/ ಇನ್ನಷ್ಟು ಸುದ್ದಿ ಓದಿ:
ತಿರುಪತಿ ದೇವಸ್ಥಾನಕ್ಕೆ ಬೆಂಗಳೂರು ಭಕ್ತನ ವಿಶಿಷ್ಟ ದಾನ: ಅನ್ನಸೇವೆಗೆ 2 ಲಘು ವಾಹನಗಳ ದೇಣಿಗೆ
ಶುಭ ಮುಹೂರ್ತ (2025):
- ಪೂಜೆಯ ಸಮಯ: ಬೆಳಿಗ್ಗೆ 11:08 ರಿಂದ ಮಧ್ಯಾಹ್ನ 1:39 ರವರೆಗೆ.
- ಪೂಜೆಯ ಪ್ರಯೋಜನ: ಆರೋಗ್ಯ, ಸಮೃದ್ಧಿ ಮತ್ತು ಧಾರ್ಮಿಕ ಶಾಂತಿಯ ಲಾಭ.
ರಾಮನವಮಿಯಂದು ಜಪ ಮಾಡುವ ಮಹಾ ನಾಮ:
ಈ ದಿನ “ಶ್ರೀ ರಾಮ ಜಯ ರಾಮ ಜಯ ಜಯ ರಾಮ” ಎಂಬ ನಾಮವನ್ನು ಭಕ್ತಿಯಿಂದ ಜಪಿಸಿದರೆ, ರಾಮತತ್ತ್ವದಿಂದ ಸಾವಿರಪಟ್ಟು ಹೆಚ್ಚು ಲಾಭ ಪಡೆಯಬಹುದು. ದೇವತೆಗಳ ಜನ್ಮದಿನಗಳಲ್ಲಿ ಆ ದೇವರ ಶಕ್ತಿ ಹೆಚ್ಚು ಪ್ರಮಾಣದಲ್ಲಿ ಕಾರ್ಯನಿರತವಾಗಿರುತ್ತದೆ ಎಂಬ ನಂಬಿಕೆಯಂತೆ ರಾಮನವಮಿಯಂದು ಶ್ರೀರಾಮನ ಚೈತನ್ಯವು ಭೂಲೋಕದಲ್ಲಿ ವಿಶಿಷ್ಟವಾಗಿ ಪ್ರವಹಿಸುತ್ತದೆ.
ಆಚರಣೆಗಳ ವೈವಿಧ್ಯತೆ:
- ಪೂಜೆ ಮತ್ತು ಹವನಗಳು: ದೇವಾಲಯಗಳಲ್ಲಿ ಹಾಗೂ ಮನೆಗಳಲ್ಲಿ ರಾಮನಿಗೆ ವಿಶೇಷ ಪೂಜೆ, ಹವನ ಮತ್ತು ಆರತಿಗಳನ್ನು ಮಾಡಲಾಗುತ್ತದೆ.
- ರಾಮಾಯಣ ಪಠಣ ಮತ್ತು ಭಜನೆಗಳು: ರಾಮನ ಜೀವನವನ್ನು ಸಾರುವ ರಾಮಾಯಣ ಪಾಠಗಳು, ಭಕ್ತಿ ಭಾವದಿಂದಲೇ ನಡೆಯುವ ಭಜನೆಗಳು ಭಕ್ತರ ಮನಸ್ಸನ್ನು ಶುದ್ಧಗೊಳಿಸುತ್ತವೆ.
- ಉಪವಾಸ ಮತ್ತು ತಪಸ್ಸು: ಭಕ್ತರು ಉಪವಾಸದಿಂದ ದೈವೀ ಶಕ್ತಿಯನ್ನು ಅನುಭವಿಸಲು ಪ್ರಯತ್ನಿಸುತ್ತಾರೆ.
- ಪಾನಕ ಮತ್ತು ಕೋಸಂಬರಿ ವಿತರಣೆ: ದೇಹಕ್ಕೆ ತಂಪು ನೀಡುವ ಪಾನಕ, ಕೋಸಂಬರಿ ವಿತರಣೆ ಮಾಡುವ ಆಚರಣೆಗಳು.
ಆಯೋಧ್ಯೆಯಲ್ಲಿ ರಾಮನವಮಿಯ ವಿಶಿಷ್ಟ ಆಚರಣೆ:
ಶ್ರೀರಾಮನ ಜನ್ಮಸ್ಥಳವಾದ ಅಯೋಧ್ಯೆಯಲ್ಲಿ ಈ ಹಬ್ಬವನ್ನು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಸಾರಯು ನದಿಯಲ್ಲಿ ಪವಿತ್ರ ಸ್ನಾನ, ರಾಮಲಲ್ಲಾ ದೇವಾಲಯದಲ್ಲಿ ವಿಶೇಷ ಪೂಜೆಗಳು ಮತ್ತು ಭಕ್ತರಿಗಾಗಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ.
ಶ್ರೀರಾಮನವಮಿ ಹಬ್ಬವು ಭಕ್ತರಿಗೆ ಧರ್ಮ, ಸತ್ಯ ಮತ್ತು ನೀತಿಯ ಮಾರ್ಗದಲ್ಲಿ ನಡೆಯುವ ಪ್ರೇರಣೆಯನ್ನು ನೀಡುತ್ತದೆ. ಈ ಹಬ್ಬದ ಮೂಲಕ ಶ್ರೀರಾಮನ ಆದರ್ಶಗಳನ್ನು ಸ್ಮರಿಸಿ, ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳೋಣ.
ಎಲ್ಲರಿಗೂ ಹಬ್ಬದ ಹಾರ್ದಿಕ ಶುಭಾಶಯಗಳು
#ರಾಮನವಮಿ2025 #SriRamaNavami #RamNavamiCelebration #RamNavamiSpecial #ಶ್ರೀರಾಮನವಮಿ #RamBhakti #RamaTattva #Ramayana #Ayodhya #HinduFestivals #KannadaNews #ChaitraNavami #BhaktiUtsava #RamaJayanti #SpiritualIndia
ಹೆಚ್ಚಿನ ವಿವರಗಳು ಮತ್ತು ಬೇರೆ ಯಾವುದೇ ಮಾಹಿತಿಗಾಗಿ quicknewztoday.com ಅನ್ನು ಭೇಟಿ ಮಾಡಬಹುದು.ನಿಮ್ಮ ಅಭಿಪ್ರಾಯವೇನು?? ಕಾಮೆಂಟ್ ಮಾಡಿ ನಿಮ್ಮ ಅಭಿಪ್ರಾಯ ಹಂಚಿಕೊಳ್ಳಿ!
More News/ ಇನ್ನಷ್ಟು ಸುದ್ದಿ ಓದಿ:
ಏಪ್ರಿಲ್ 6: ರಾಮನವಮಿಗೆ ಮಾಂಸ ಮಾರಾಟ ಸಂಪೂರ್ಣ ನಿಷೇಧ – ಜಿಲ್ಲಾವಾರು ಮಾಹಿತಿ ನೋಡಿರಿ
