FID Number: ಬೆಳೆ ವಿಮೆ ಮತ್ತು ಸರ್ಕಾರದ ಬೆಂಬಲ ಬೆಲೆ ಸೌಲಭ್ಯ ಪಡೆಯಲು FID ನಂಬರ್ನಲ್ಲಿ ಎಲ್ಲಾ ಸರ್ವೆ ನಂಬರ್ಗಳನ್ನು ಸೇರ್ಪಡೆ ಮಾಡುವುದು ಕಡ್ಡಾಯವಾಗಿದೆ. ರೈತರು ತಮ್ಮ FID ನವೀಕರಿಸುವ ಸಂಪೂರ್ಣ ವಿಧಾನ ಮತ್ತು ಬೇಕಾಗುವ ದಾಖಲೆಗಳ ಮಾಹಿತಿ ಇಲ್ಲಿದೆ.
ರೈತರೇ ಗಮನಿಸಿ: FID ನಲ್ಲಿ ನಿಮ್ಮ ಜಮೀನಿನ ಸರ್ವೆ ನಂಬರ್ ಮಿಸ್ ಆಗಿದ್ಯಾ? ಹಾಗಾದ್ರೆ ಪರಿಹಾರ ಸಿಗಲ್ಲ!
ನಮಸ್ಕಾರ ರೈತ ಬಾಂಧವರೇ, ಪ್ರಕೃತಿಯ ಮುನಿಸಿಗೆ ಸಿಲುಕಿ ಅಥವಾ ಬರಗಾಲ, ಕೀಟಬಾಧೆಯಿಂದ ಬೆಳೆ ಕಳೆದುಕೊಂಡಾಗ ರೈತರಿಗೆ ಆಸರೆಯಾಗುವುದು ಬೆಳೆ ವಿಮೆ (Crop Insurance). ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಸಹಯೋಗದಲ್ಲಿ ಅನುಷ್ಠಾನಗೊಳ್ಳುತ್ತಿರುವ ‘ಪ್ರಧಾನ ಮಂತ್ರಿ ಫಸಲ್ ಬೀಮಾ ಯೋಜನೆ’ (PMFBY) ಯಡಿ ಲಕ್ಷಾಂತರ ರೈತರು ಆರ್ಥಿಕ ರಕ್ಷಣೆ ಪಡೆಯುತ್ತಿದ್ದಾರೆ. ಆದರೆ, ಈ ಬಾರಿ ಸರ್ಕಾರವು ಬೆಳೆ ವಿಮೆ ಮತ್ತು ಬೆಂಬಲ ಬೆಲೆ ಪಡೆಯುವ ವಿಚಾರದಲ್ಲಿ ರೈತರಿಗೆ ಒಂದು ಪ್ರಮುಖ ಎಚ್ಚರಿಕೆ ನೀಡಿದೆ. ಇನ್ನು ಮುಂದೆ ನಿಮ್ಮ ಜಮೀನಿನ ಎಲ್ಲಾ ಸರ್ವೆ ನಂಬರ್ಗಳು ನಿಮ್ಮ FID Number ಗೆ ಲಿಂಕ್ ಆಗಿದ್ದರೆ ಮಾತ್ರ ನಿಮಗೆ ವಿಮೆ ಸಿಗಲಿದೆ!
FID ನಂಬರ್ ಅಂದ್ರೆ ಏನು? ಯಾಕೆ ಸರ್ವೆ ನಂಬರ್ ಲಿಂಕ್ ಮಾಡಬೇಕು?
ಫ್ರೂಟ್ಸ್ (FRUITS – Farmer Registration and Identification System) ತಂತ್ರಾಂಶದ ಮೂಲಕ ರೈತರಿಗೆ ನೀಡಲಾಗುವ ವಿಶಿಷ್ಟ ಗುರುತಿನ ಸಂಖ್ಯೆಯೇ FID ನಂಬರ್. ಇದರಲ್ಲಿ ನಿಮ್ಮ ಆಧಾರ್, ಬ್ಯಾಂಕ್ ಖಾತೆ ಮತ್ತು ಪಹಣಿ (RTC) ವಿವರಗಳು ಡಿಜಿಟಲ್ ರೂಪದಲ್ಲಿರುತ್ತವೆ.
ಅನೇಕ ರೈತರ FID (Farmer ID) ನಲ್ಲಿ ಅವರು ಹೊಂದಿರುವ ಎಲ್ಲಾ ಜಮೀನಿನ ಸರ್ವೆ ನಂಬರ್ಗಳು ನಮೂದಾಗಿರುವುದಿಲ್ಲ. ಉದಾಹರಣೆಗೆ, ನಿಮ್ಮ ಹೆಸರಿನಲ್ಲಿ ಒಟ್ಟು 5 ಎಕರೆ ಜಮೀನಿದ್ದು,FID ಮಾಡುವಾಗ ಕೇವಲ 3 ಎಕರೆಯ ಸರ್ವೆ ನಂಬರ್ ಮಾತ್ರ ದಾಖಲಾಗಿದ್ದರೆ, ನೀವು ಬೆಳೆ ವಿಮೆ ಮಾಡಿಸುವಾಗ ಆ 3 ಎಕರೆಗೆ ಮಾತ್ರ ವಿಮೆ ಸಿಗುತ್ತದೆ. ಉಳಿದ 2 ಎಕರೆ ಜಮೀನಿಗೆ ನೀವು ಬೆಳೆ ನಷ್ಟ ಅನುಭವಿಸಿದರೂ, ತಾಂತ್ರಿಕವಾಗಿ ವಿಮಾ ಪರಿಹಾರ ಪಡೆಯಲು ಸಾಧ್ಯವಾಗುವುದಿಲ್ಲ.
ಇದನ್ನೂ ಓದಿ: ರೈತರಿಗೆ ಬಿಗ್ ಶಾಕ್! ಇನ್ಮುಂದೆ ”ಫ್ರೂಟ್ಸ್ ಐಡಿ’ (FID)’ ನಂಬರ್ ಇಲ್ಲದಿದ್ದರೆ ರಸಗೊಬ್ಬರ ಖಂಡಿತಾ ಸಿಗಲ್ಲ! ಸರ್ಕಾರದ ಹೊಸ ರೂಲ್ಸ್ ಏನು?
ಈ ನಿಯಮದ ಲಾಭಗಳೇನು?
ಸರ್ಕಾರವು FID ಗೆ ಎಲ್ಲಾ ಸರ್ವೆ ನಂಬರ್ಗಳನ್ನು ಲಿಂಕ್ ಮಾಡುವುದರಿಂದ ರೈತರಿಗೆ ಅನೇಕ ಅನುಕೂಲಗಳಿವೆ:
- ಬೆಳೆ ವಿಮೆಯ ಪರಿಹಾರ ಹಣ ನೇರವಾಗಿ ರೈತರ ಖಾತೆಗೆ ಜಮೆಯಾಗುತ್ತದೆ.
- ಬೆಂಬಲ ಬೆಲೆ ಯೋಜನೆ (MSP) ಅಡಿ ಧಾನ್ಯ ಮಾರಾಟ ಮಾಡಲು ಸುಲಭವಾಗುತ್ತದೆ.
- ಸರ್ಕಾರದ ಸಬ್ಸಿಡಿ ಮತ್ತು ನೇರ ನಗದು ವರ್ಗಾವಣೆ (DBT) ಯಾವುದೇ ಅಡೆತಡೆಯಿಲ್ಲದೆ ಸಿಗುತ್ತದೆ.
- ಮಧ್ಯವರ್ತಿಗಳ ಕಾಟ ಕಡಿಮೆಯಾಗಿ, ರೈತರಿಗೆ ಪಾರದರ್ಶಕ ಸೇವೆ ಸಿಗುತ್ತದೆ.
ಸರ್ವೆ ನಂಬರ್ ಲಿಂಕ್ ಮಾಡಲು ಬೇಕಾದ ದಾಖಲೆಗಳು
ಒಂದು ವೇಳೆ ನಿಮ್ಮ ಜಮೀನಿನ ಸರ್ವೆ ನಂಬರ್ ನಿಮ್ಮ FID (Farmer ID) ಕಾರ್ಡ್ನಲ್ಲಿ ಬಿಟ್ಟುಹೋಗಿದ್ದರೆ, ತಕ್ಷಣವೇ ಚಿಂತಿಸಬೇಕಿಲ್ಲ. ಕೃಷಿ ಇಲಾಖೆಯು ಈ ಪ್ರಕ್ರಿಯೆಯನ್ನು ಬಹಳ ಸರಳಗೊಳಿಸಿದೆ. ನೀವು ಹತ್ತಿರದ ರೈತ ಸಂಪರ್ಕ ಕೇಂದ್ರಕ್ಕೆ (RSK) ಹೋದಾಗ ಈ ಕೆಳಗಿನ ದಾಖಲೆಗಳನ್ನು ಮರೆಯದೆ ಒಯ್ಯಿರಿ:
| ಕ್ರಮ ಸಂಖ್ಯೆ | ಅಗತ್ಯ ದಾಖಲೆಗಳು |
| 1 | ರೈತರ ಆಧಾರ್ ಕಾರ್ಡ್ (Aadhar Card) |
| 2 | ಚಾಲ್ತಿಯಲ್ಲಿರುವ ಬ್ಯಾಂಕ್ ಪಾಸ್ ಬುಕ್ ನಕಲು (ಝೆರಾಕ್ಸ್) |
| 3 | ನಿಮ್ಮ ಹೆಸರಿನಲ್ಲಿರುವ ಎಲ್ಲಾ ಜಮೀನಿನ ಇತ್ತೀಚಿನ ಪಹಣಿ (RTC) |
| 4 | ಆಧಾರ್ ಲಿಂಕ್ ಆಗಿರುವ ಸಕ್ರಿಯ ಮೊಬೈಲ್ ನಂಬರ್ |
ಇದನ್ನೂ ಓದಿ: ರೈತರಿಗೆ ಬಿಗ್ ಶಾಕ್: ರಸಗೊಬ್ಬರ ದರ 2200 ರೂ.ಗೆ ಏರಿಕೆ! DAP ಮತ್ತು ಯೂರಿಯಾ ಮಾರಾಟ ಬ್ಯಾನ್!
ಹೆಚ್ಚುವರಿ ಸರ್ವೆ ನಂಬರ್ಗಳನ್ನು ಸೇರ್ಪಡೆ ಮಾಡುವುದು ಹೇಗೆ?
ನಿಮ್ಮ FID (Farmer ID) ಗೆ ಹೆಚ್ಚುವರಿ ಸರ್ವೆ ನಂಬರ್ಗಳನ್ನು ಆನ್ಲೈನ್ನಲ್ಲಿ ನವೀಕರಿಸಲು ಅಥವಾ ಸೇರಿಸಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ:
- RSK ಗೆ ಭೇಟಿ ನೀಡಿ: ನಿಮ್ಮ ಹೋಬಳಿಯ ರೈತ ಸಂಪರ್ಕ ಕೇಂದ್ರಕ್ಕೆ (RSK) ಭೇಟಿ ನೀಡಿ. ಅಲ್ಲಿನ ಕೃಷಿ ಅಧಿಕಾರಿಗಳಿಗೆ ಅಥವಾ ಕಂಪ್ಯೂಟರ್ ಆಪರೇಟರ್ಗಳಿಗೆ ನಿಮ್ಮ ಸಮಸ್ಯೆ ತಿಳಿಸಿ.
- ದಾಖಲೆಗಳ ಪರಿಶೀಲನೆ: ನೀವು ತಂದಿರುವ ಪಹಣಿ ಮತ್ತು ಆಧಾರ್ ವಿವರಗಳನ್ನು ಅವರು ಪರಿಶೀಲಿಸುತ್ತಾರೆ.
- ಲಿಂಕ್ ಮಾಡುವ ಪ್ರಕ್ರಿಯೆ: ಆನ್ಲೈನ್ನಲ್ಲಿಯೇ ಅವರು ನಿಮ್ಮ ಹಳೆಯ FID ನಂಬರ್ಗೆ ಉಳಿದಿರುವ ಜಮೀನಿನ ಸರ್ವೆ ನಂಬರ್ಗಳನ್ನು ಮ್ಯಾಪಿಂಗ್ ಮಾಡಿಕೊಡುತ್ತಾರೆ.
- ಖಚಿತಪಡಿಸಿಕೊಳ್ಳಿ: ಸೇರ್ಪಡೆಯಾದ ನಂತರ ಆನ್ಲೈನ್ ಪೋರ್ಟಲ್ನಲ್ಲಿ ನಿಮ್ಮ ಎಲ್ಲಾ ಸರ್ವೆ ನಂಬರ್ಗಳು ಕಾಣಿಸುತ್ತಿವೆಯೇ ಎಂದು ಒಮ್ಮೆ ಚೆಕ್ ಮಾಡಿಕೊಳ್ಳಿ.
- ಇನ್ನು ಹೆಚ್ಚಿನ ಮಾಹಿತಿಯನ್ನು ಪಡೆಯಲು ಕೃಷಿ ಇಲಾಖೆಯ ಅಧಿಕೃತ ವೆಬ್ಸೈಟ್- Click Here
ಪ್ರಮುಖ ಎಚ್ಚರಿಕೆ
ಜಿಲ್ಲಾ ಜಂಟಿ ಕೃಷಿ ನಿರ್ದೇಶಕರು ನೀಡಿರುವ ಮಾಹಿತಿಯ ಪ್ರಕಾರ, ಬೆಳೆ ವಿಮೆ ನೋಂದಣಿ ಪ್ರಕ್ರಿಯೆ ಆರಂಭವಾಗುವ ಮುನ್ನವೇ ರೈತರು ಈ ಕೆಲಸವನ್ನು ಮಾಡಿಕೊಳ್ಳಬೇಕು. ಕೊನೆಯ ದಿನದ ಧಾವಂತದಲ್ಲಿ ಸರ್ವರ್ ಸಮಸ್ಯೆಯಾಗಬಹುದು, ಆಗ ವಿಮಾ ಸೌಲಭ್ಯದಿಂದ ವಂಚಿತರಾಗುವ ಭೀತಿ ಇರುತ್ತದೆ. ಆದ್ದರಿಂದ ಇಂದೇ ನಿಮ್ಮ FID ಚೆಕ್ ಮಾಡಿಕೊಳ್ಳಿ!
FAQs on FID (FRUITS – Farmer Registration and Identification System) (ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು)
1. FID ಅಂದ್ರೆ ಏನು? ಇದರ ಅಗತ್ಯವೇನು?
FID (Farmer ID) ಎಂದರೆ ಫ್ರೂಟ್ಸ್ ಪೋರ್ಟಲ್ ಮೂಲಕ ರೈತರಿಗೆ ನೀಡಲಾಗುವ ಗುರುತಿನ ಸಂಖ್ಯೆ. ಸರ್ಕಾರದ ಯಾವುದೇ ಕೃಷಿ ಸೌಲಭ್ಯ ಪಡೆಯಲು ಇದು ಕಡ್ಡಾಯ.
2. ನಾನು 5 ಎಕರೆ ಹೊಂದಿದ್ದೇನೆ ಆದರೆ FID ನಲ್ಲಿ 3 ಎಕರೆ ಮಾತ್ರ ಇದೆ, ಉಳಿದದ್ದು ಸಿಗಲ್ವಾ?
ಇಲ್ಲ, ಉಳಿದ 2 ಎಕರೆಗೆ ಬೆಳೆ ವಿಮೆ ಅಥವಾ ಬೆಂಬಲ ಬೆಲೆ ಸಿಗುವುದಿಲ್ಲ. ಕೂಡಲೇ ಸರ್ವೆ ನಂಬರ್ ಆಡ್ ಮಾಡಿಸಿಕೊಳ್ಳಿ.
3. ಇದಕ್ಕೆ ಶುಲ್ಕ ಇದೆಯೇ?
ಇಲ್ಲ, ರೈತ ಸಂಪರ್ಕ ಕೇಂದ್ರದಲ್ಲಿ FID ಗೆ ಸರ್ವೆ ನಂಬರ್ ಸೇರ್ಪಡೆ ಮಾಡುವುದು ಸಂಪೂರ್ಣ ಉಚಿತ.
4. ಆನ್ಲೈನ್ನಲ್ಲಿ ನೀವೇ ಸೇರಿಸಬಹುದಾ?
ಇಲ್ಲ, ರೈತರು ಆನ್ಲೈನ್ನಲ್ಲಿ ಸ್ವತಃ ಮಾಡಲಾಗುವುದಿಲ್ಲ. ರೈತ ಸಂಪರ್ಕ ಕೇಂದ್ರದ ಅಧಿಕಾರಿಗಳು ಅಥವಾ ಆಪರೇಟರ್ಗಳು ಮಾತ್ರ ಮಾಡಿಕೊಡಬಲ್ಲರು.
5. ಇದಕ್ಕೆ ಆಧಾರ್ ಲಿಂಕ್ ಕಡ್ಡಾಯವೇ?
ಹೌದು, ಆಧಾರ್ ಕಾರ್ಡ್ ಇಲ್ಲದೆ FID ಮಾಡುವುದು ಅಥವಾ ಸರ್ವೆ ನಂಬರ್ ಸೇರಿಸುವುದು ಸಾಧ್ಯವಿಲ್ಲ.
ಇಂತಹ ಕೃಷಿ ಸಂಬಂಧಿಸಿದ ಸುದ್ದಿ ನೋಟಿಫಿಕೇಶನ್ಗಳನ್ನು ತಕ್ಷಣವೇ ಪಡೆಯಲು! WhatsApp, Facebook & Telegram ಗ್ರೂಪ್ಗಳಿಗೆ ಸೇರಿ. Click to Join Below Button
