IPL 2025: PBKS vs KKR: ಪಂಜಾಬ್ ಬೌಲರ್‌ಗಳ ದಾಳಿಗೆ ಕೆಕೆಆರ್ ಕಂಗಾಲು – 17 ವರ್ಷದ ದಾಖಲೆ ಉಡಿಸ್! ಪಂಜಾಬ್ ಗೆ ಭರ್ಜರಿ ಜಯ ಇಲ್ಲಿದೆ ಅದರ ಕಂಪ್ಲೀಟ್ ಡೀಟೇಲ್ಸ್ ನೋಡಿ.
Join us on WhatsApp
Follow us on Facebook
Follow us on Telegram
ಮೊಹಾಲಿ: ಐಪಿಎಲ್ 2025ರ 31ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ (PBKS) ತಂಡವು ತಮ್ಮ ಶ್ರೇಷ್ಠ ಬೌಲಿಂಗ್ ಪ್ರದರ್ಶನದಿಂದ ಕೋಲ್ಕತ್ತಾ ನೈಟ್ ರೈಡರ್ಸ್ (KKR) ವಿರುದ್ಧ 16 ರನ್‌ಗಳ ನಿಕಟ ಜಯವನ್ನು ದಾಖಲಿಸಿದ್ದು, ಐಪಿಎಲ್ ಇತಿಹಾಸದಲ್ಲಿ 17 ವರ್ಷಗಳ ದಾಖಲೆ ಮುರಿದಿದೆ.
ಪಂಜಾಬ್ ಕಿಂಗ್ಸ್ ಹೊಸ ದಾಖಲೆ ಬರೆಯಿತು
ಈ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ಕೇವಲ 111 ರನ್‌ಗಳನ್ನು ಸ್ಕೋರ್ ಮಾಡಿ ಆ ಮೊತ್ತವನ್ನೇ ಯಶಸ್ವಿಯಾಗಿ ರಕ್ಷಿಸಿ, ಐಪಿಎಲ್‌ನ ಇತಿಹಾಸದಲ್ಲಿ ಅತಿ ಕಡಿಮೆ ಮೊತ್ತವನ್ನು ಡಿಫೆಂಡ್ ಮಾಡಿದ ತಂಡವಾಗಿ ಹೊಸ ದಾಖಲೆಯನ್ನು ಬರೆಯಿತು. ಇದಕ್ಕೂ ಮೊದಲು, 2009ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (CSK) 116 ರನ್‌ಗಳನ್ನು ಡಿಫೆಂಡ್ ಮಾಡಿಕೊಂಡು ದಾಖಲೆ ಮಾಡಿತ್ತು.
ಪಂಜಾಬ್ ಬ್ಯಾಟಿಂಗ್ ಹೀನಾಯ ಪ್ರದರ್ಶನ
ಟಾಸ್ ಗೆದ್ದ ಪಂಜಾಬ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದು, 15.3 ಓವರ್‌ಗಳಲ್ಲಿ 111 ರನ್‌ಗಳಿಗೆ ಆಲೌಟ್ ಆಯಿತು. ಆರಂಭಿಕ ಬ್ಯಾಟರ್‌ಗಳಾದ ಪ್ರಿಯಾಂಶ್ ಆರ್ಯ (22) ಮತ್ತು ಪ್ರಭಾಸಿಮ್ರಾನ್ ಸಿಂಗ್ (30) ಉತ್ತಮ ಆರಂಭ ನೀಡಿದರೂ, ಮಧ್ಯದ ಕ್ರಮಾಂಕ ಕುಸಿತದಿಂದ ಇನಿಂಗ್ಸ್ ಸಂಪೂರ್ಣವಾಗಿ ಹೀನಾಯವಾಗಿ ಮುಕ್ತಾಯವಾಯಿತು.
Read More Sports News/ ಇನ್ನಷ್ಟು ಕ್ರೀಡೆ ಸುದ್ದಿ ಓದಿ
IPL 2025: LSG vs PBKS ಪ್ರಭಸಿಮ್ರಾನ್ ಸಿಂಗ್ ಸ್ಪೋಟಕ ಬ್ಯಾಟಿಂಗ್ ಲಕ್ನೋ ವಿರುದ್ಧ ಪಂಜಾಬ್ ಗೆ ಭರ್ಜರಿ ಜಯ
ಕೆಕೆಆರ್ ಚೇಸ್ ವಿಫಲ, ಪಂಜಾಬ್ ಬೌಲರ್‌ಗಳ ಅಬ್ಬರ
ಸಾಧಾರಣ ಗುರಿಯ ಚೇಸ್‌ಗೆ ಬಂದ ಕೆಕೆಆರ್ ಆರಂಭದಲ್ಲಿ ಚೆನ್ನಾಗಿ ಆಡಿದರೂ, ಆಂಗ್ಕ್ರಿಶ್ ರಘುವಂಶಿ (37) ಹೊರತಾಗಿ ಯಾವ ಬ್ಯಾಟ್ಸ್ಮನ್ ಕೂಡ ಪಂಜಾಬ್ ಬೌಲರ್‌ಗಳ ದಾಳಿ ಎದುರಿಸಲು ವಿಫಲವಾದರು. ಕೊನೆಯಲ್ಲಿ ರಸೆಲ್ ಚಹಾಲ್ನ ಒಂದೇ ಓವರ್ನಲ್ಲಿ 16 ರನ್ ಸಿಡಿಸಿ ಗೆಲುವಿನ ಆಸೆಯನ್ನು ತೋರಿಸಿದ್ದರು. ಆದರೆ ಶ್ರೇಯಸ್ ಅಯ್ಯರ್ ನೇತೃತ್ವದ ಪಂಜಾಬ್ ಬೌಲರ್‌ಗಳು ಬಿಗಿ ದಾಳಿ ನಡೆಸಿ ಕೆಕೆಆರ್ ಅನ್ನು 95 ರನ್‌ಗಳಿಗೆ ಆಲೌಟ್ ಮಾಡಿದರು.
ಚಾಹಲ್ ಮಾಯಾಜಾಲ
ಯುಜ್ವೇಂದ್ರ ಚಾಹಲ್ 4 ವಿಕೆಟ್ ಪಡೆದು ಮ್ಯಾಚ್‌ನ ಪಂದ್ಯ ಶ್ರೇಷ್ಠ ಆಟಗಾರನಾಗಿ ಹೊರಹೊಮ್ಮಿದರು. ಮಾರ್ಕೊ ಜಾನ್ಸೆನ್ 3 ವಿಕೆಟ್ ಪಡೆದರೆ, ಬಾರ್ಟ್ಲೆಟ್, ಅರ್ಶ್‌ದೀಪ್ ಸಿಂಗ್ ಮತ್ತು ಗ್ಲೆನ್ ಮ್ಯಾಕ್ಸ್‌ವೆಲ್ ತಲಾ ಒಂದು ವಿಕೆಟ್ ಪಡೆದರು.
ಕೆಕೆಆರ್ ಬೌಲಿಂಗ್ ಹೈಲೈಟ್
ಹರ್ಷಿತ್ ರಾಣಾ 3 ವಿಕೆಟ್ ಪಡೆದರೆ, ಸುನೀಲ್ ನರೈನ್, ವರುಣ್ ಚಕ್ರವರ್ತಿ, ವೈಭವ್ ಅರೋರಾ ಮತ್ತು ನಾರ್ಟ್ಜೆ ತಲಾ ಒಂದು ವಿಕೆಟ್ ಪಡೆದರು.
ಅಂಕಗಳ ವಿವರ:
- ಪಂಜಾಬ್ ಕಿಂಗ್ಸ್: 111/10 (15.3 ಓವರ್), ಪ್ರಭಾಸಿಮ್ರಾನ್ ಸಿಂಗ್ 30, ಹರ್ಷಿತ್ ರಾಣಾ 3/25
- ಕೆಕೆಆರ್: 95/10 (15.1 ಓವರ್), ಆಂಗ್ಕ್ರಿಶ್ ರಘುವಂಶಿ 37, ಯುಜ್ವೇಂದ್ರ ಚಾಹಲ್ 4/28
ಈ ಜಯದೊಂದಿಗೆ ಪಂಜಾಬ್ ಕಿಂಗ್ಸ್ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನವನ್ನು ಪಡೆಯುವಲ್ಲಿ ಯಶಸ್ವಿಯಾಗಿದೆ. ಅತಿ ಕಡಿಮೆ ಮೊತ್ತವನ್ನು ಡಿಫೆಂಡ್ ಮಾಡುವ ಮೂಲಕ ಅವರು ಐಪಿಎಲ್ ಇತಿಹಾಸದಲ್ಲಿಯೇ ಅಪೂರ್ವ ಸಾಧನೆ ಮಾಡಿದ್ದಾರೆ.
Read More Sports News/ ಇನ್ನಷ್ಟು ಕ್ರೀಡೆ ಸುದ್ದಿ ಓದಿ
IPL 2025: PBKS vs CSK-ಪಂಜಾಬ್ ಗೆ ತವರಿನಲ್ಲಿ ಮೊದಲ ಗೆಲುವು – ಪ್ರಿಯಾಂಶ್ ಆರ್ಯ ಶತಕ-ಧೋನಿಯ ಕೊನೆಯ ಹೋರಾಟ ವ್ಯರ್ಥ
ಇಂತಹ ಕ್ರೀಡಾ ಸುದ್ದಿ ನೋಟಿಫಿಕೇಶನ್‌ಗಳನ್ನು ತಕ್ಷಣವೇ ಪಡೆಯಲು!WhatsApp & Telegram ಗ್ರೂಪ್‌ಗಳಿಗೆ ಸೇರಿ. Click to Join Below Button 👇
ಶ್ವೇತಾ ಗುಂಡಿಜಾಲು ಕಳೆದ ಒಂದು ವರ್ಷದಿಂದ ಕನ್ನಡದಲ್ಲಿ ಸುದ್ದಿ ಲೇಖನಗಳನ್ನು ಬರೆಯುತ್ತಿರುವ ಅನುಭವಿಯಾದ ಡಿಜಿಟಲ್ ನ್ಯೂಸ್ ರೈಟರ್ ಮತ್ತು ಬ್ಲಾಗರ್. ಸರ್ಕಾರದ ಯೋಜನೆಗಳು, ಕೇಂದ್ರ ಹಾಗೂ ಕರ್ನಾಟಕ ಸರ್ಕಾರದ ಉದ್ಯೋಗ ಪ್ರಕಟಣೆಗಳು, ವಿದ್ಯಾರ್ಥಿವೇತನ ಮಾಹಿತಿ ಹಾಗೂ ಶಿಕ್ಷಣದ ಕ್ಷೇತ್ರದ ಪ್ರಮುಖ ಮಾಹಿತಿಗಳನ್ನು ನಿರಂತರವಾಗಿ ಕನ್ನಡ ಓದುಗರಿಗೆ ತಲುಪಿಸುತ್ತಿದ್ದಾರೆ.
ಇವರ ಲೇಖನಗಳಲ್ಲಿ ಕ್ರೀಡೆ, ತಂತ್ರಜ್ಞಾನ, ಮನರಂಜನೆ, ರಾಜಕೀಯ ಮತ್ತು ದಿನನಿತ್ಯದ ಟ್ರೆಂಡಿಂಗ್ ಸುದ್ದಿಗಳಿಗೆ ವಿಶೇಷ ಪ್ರಾಧಾನ್ಯತೆ ಇದೆ. ಸರಳ ಭಾಷೆ, ನಿಖರ ಮಾಹಿತಿ ಮತ್ತು ವಿಶ್ವಾಸಾರ್ಹ ಬರವಣಿಗೆಯ ಮೂಲಕ ಓದುಗರ ಮನಸ್ಸಿನಲ್ಲಿ ನಂಬಿಕೆ ಗಳಿಸಿದ್ದಾರೆ.
