ಕರ್ನಾಟಕದಲ್ಲಿ ಹೆಚ್ಚುತ್ತಿರುವ ವಿದ್ಯುತ್ ಬಳಕೆ: 18500 MW ದಾಟಿದ ಬೇಡಿಕೆ! ಲೋಡ್ ಶೆಡಿಂಗ್ ಭೀತಿ? ಇದರ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ ನೋಡಿ.
ಬೆಂಗಳೂರು: ರಾಜ್ಯದಲ್ಲಿ ದಿನದಿಂದ ದಿನಕ್ಕೆ ವಿದ್ಯುತ್ ಬಳಕೆ ಹೆಚ್ಚಾಗುತ್ತಿದ್ದು, ಮಾರ್ಚ್ 2025ರ ದಾಖಲೆಯ ಪ್ರಕಾರ 18,500 ಮೆಗಾವಾಟ್ (MW) ದಾಟಿದೆ. ಇದರಿಂದ ಲೋಡ್ ಶೆಡಿಂಗ್ ಭೀತಿಯೂ ಎದುರಾಗಿದೆ. ಬೇಸಿಗೆ ಆರಂಭವಾಗುತ್ತಿದ್ದಂತೆ ತಾಪಮಾನವು ಏರಿಕೆಯಾಗುತ್ತಿದ್ದು, ಶಾಖದ ಜತೆಗೆ ವಿದ್ಯುತ್ ಬಳಕೆಯೂ ಗಣನೀಯವಾಗಿ ಹೆಚ್ಚಾಗಿದೆ.
ರಾಜ್ಯದಲ್ಲಿ ವಿದ್ಯುತ್ ಬೇಡಿಕೆ ಹೊಸ ದಾಖಲೆ ಮಟ್ಟಕ್ಕೆ ಏರಿಕೆಯಾಗಿದ್ದು, ಕಳೆದ ಎರಡು ತಿಂಗಳಲ್ಲಿ ಗರಿಷ್ಠ ಬೇಡಿಕೆ 18,000 ಮೆಗಾವಾಟ್ ದಾಟಿದೆ. ಏಪ್ರಿಲ್ ಅಂತ್ಯದವರೆಗೆ ಇದು 18,500 ಮೆಗಾವಾಟ್ ತಲುಪುವ ಸಾಧ್ಯತೆಯಿದೆ ಎಂದು ಕೆಪಿಟಿಸಿಎಲ್ ವ್ಯವಸ್ಥಾಪಕ ನಿರ್ದೇಶಕ ಪಂಕಜ್ ಕುಮಾರ್ ಪಾಂಡೆ ತಿಳಿಸಿದ್ದಾರೆ.
ಸೋಮವಾರ ನಗರದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, “ಕೋವಿಡ್ ಬಳಿಕ ರಾಜ್ಯದ ವಿದ್ಯುತ್ ಬೇಡಿಕೆಯಲ್ಲಿ ಗಣನೀಯ ಏರಿಕೆಯಾಗಿದೆ. ಈ ವರ್ಷ ಫೆಬ್ರವರಿಯಲ್ಲಿ ಗರಿಷ್ಠ ವಿದ್ಯುತ್ ಬೇಡಿಕೆ 18,350 ಮೆಗಾವಾಟ್‌ನಿಂದ 18,395 ಮೆಗಾವಾಟ್ ಗೆ ಹೆಚ್ಚಾಗಿದೆ. ಸದ್ಯ ದಿನನಿತ್ಯದ ಗರಿಷ್ಠ ವಿದ್ಯುತ್ ಬಳಕೆ 357 ಮಿಲಿಯನ್ ಯೂನಿಟ್ ಆಗಿದೆ,” ಎಂದು ವಿವರಿಸಿದರು.
ರಾಜ್ಯದಲ್ಲಿ ಕಳೆದ ಕೆಲವು ವರ್ಷಗಳಿಂದ ವಿದ್ಯುತ್ ಬೇಡಿಕೆಯಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ. ಈ ಹಿನ್ನಲೆಯಲ್ಲಿ ಕಳೆದ ಐದು ವರ್ಷಗಳ ಬೇಡಿಕೆ ಹೀಗಿದೆ.
| ವರ್ಷ | ಬೇಡಿಕೆ (ಮೆಗಾವಾಟ್) |
| 2020-21 | 14,367 |
| 2021-22 | 14,818 |
| 2022-23 | 15,828 |
| 2023-24 | 17,220 |
| 2024-25 | 18,358 (ಪ್ರಸ್ತುತ) |
ಈ ಲೆಕ್ಕಾಚಾರ ನೋಡಿದರೆ, ಕೇವಲ ಪ್ರಸ್ತುತ ವರ್ಷದ ಅವಧಿಯಲ್ಲಿ (2023-24ರಿಂದ 2024-25ಕ್ಕೆ) 1,165 ಮೆಗಾವಾಟ್ ಹೆಚ್ಚಳ ಕಂಡುಬಂದಿದೆ.
ಏಕೆ ವಿದ್ಯುತ್ ಬೇಡಿಕೆ ಹೆಚ್ಚಾಗಿದೆ?
ರಾಜ್ಯದಲ್ಲಿ ಹವಾಮಾನ ಹಾಗೂ ಆರ್ಥಿಕ ಬೆಳವಣಿಗೆ ಕಾರಣದಿಂದಾಗಿ ವಿದ್ಯುತ್ ಬಳಕೆ ಮತ್ತು ಬೇಡಿಕೆ ಹೆಚ್ಚಾಗಿದೆ. ಇದಕ್ಕೆ ಹಲವಾರು ಕಾರಣಗಳಿವೆ:
- ✔️ ಬೇಸಿಗೆ ತಾಪಮಾನ ಹೆಚ್ಚಳ: ಉಷ್ಣತೆಯ ಏರಿಕೆ ಜನರು ಹೆಚ್ಚು AC, ಕೂಲರ್, ಫ್ಯಾನ್‌ಗಳನ್ನು ಬಳಸುವಂತೆ ಮಾಡುತ್ತಿದೆ.
- ✔️ ಕೃಷಿ ಚಟುವಟಿಕೆ ಹೆಚ್ಚಳ: ಬೇಸಿಗೆ ಸಮಯದಲ್ಲಿ ನೀರಾವರಿ ವ್ಯವಸ್ಥೆಗಾಗಿ ರೈತರು ಹೆಚ್ಚಿನ ಎಲ್‌ಟಿಪಿ (LT Irrigation Pump sets) ಬಳಕೆಯತ್ತ ಮುಖ ಮಾಡುತ್ತಿದ್ದಾರೆ.
- ✔️ ಕೈಗಾರಿಕಾ ವೃದ್ಧಿ: ಬೆಂಗಳೂರು ಹಾಗೂ ಇತರ ಕೈಗಾರಿಕಾ ಪ್ರದೇಶಗಳಲ್ಲಿ ವಿದ್ಯುತ್ ಬಳಕೆ ಹೆಚ್ಚಾಗಿದೆ.
- ✔️ ಹೊಸ ಕನೆಕ್ಷನ್ /ಬಳಕೆದಾರರು: ಇತ್ತೀಚಿನ ವರ್ಷಗಳಲ್ಲಿ ಹೊಸ ಅಪಾರ್ಟ್‌ಮೆಂಟ್‌ಗಳು, ವಸತಿ ನಗರಗಳು ಮತ್ತು ವಾಣಿಜ್ಯ ಸಂಕೀರ್ಣಗಳು ಹೆಚ್ಚಾಗುತ್ತಿವೆ.
ಹೊರ ರಾಜ್ಯಗಳಿಂದ ವಿದ್ಯುತ್ ಖರೀದಿ – ರಾಜ್ಯ ಸರ್ಕಾರದ ಅಗತ್ಯ ಕ್ರಮಗಳು
ರಾಜ್ಯದಲ್ಲಿ ವಿದ್ಯುತ್ ಬೇಡಿಕೆ ತೀವ್ರವಾಗಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ರಾಜ್ಯ ಸರ್ಕಾರ ಬೇಡಿಕೆಯನ್ನು ಪೂರೈಸಲು ಹಲವು ಕ್ರಮಗಳನ್ನು ಕೈಗೊಂಡಿದೆ. ಇದರ ಭಾಗವಾಗಿ, ಪ್ರತಿದಿನ 100 ಮೆಗಾವಾಟ್‌ನಿಂದ 1,400 ಮೆಗಾವಾಟ್ ವರೆಗೆ ಹೊರ ರಾಜ್ಯಗಳಿಂದ ವಿದ್ಯುತ್ ಪಡೆಯಲಾಗುತ್ತಿದೆ.
ಜನವರಿಯಿಂದ ಏಪ್ರಿಲ್ ಅಂತ್ಯದವರೆಗೆ ಪಂಜಾಬ್‌ನಿಂದ 200 ಮೆಗಾವಾಟ್‌ನಿಂದ 531 ಮೆಗಾವಾಟ್ ವರೆಗೆ ವಿದ್ಯುತ್ ಖರೀದಿಸಿ ಸರಬರಾಜು ಮಾಡಲಾಗುತ್ತಿದೆ.ಇದೇ ರೀತಿ, 2024ರ ಡಿಸೆಂಬರ್‌ನಿಂದ ಮೇ 2025ರವರೆಗೆ, ರಾಜ್ಯದ ವಿದ್ಯುತ್ ಅಗತ್ಯವನ್ನು ಪೂರೈಸುವ ನಿಟ್ಟಿನಲ್ಲಿ ಉತ್ತರ ಭಾರತದ ವಿವಿಧ ರಾಜ್ಯಗಳಿಂದ ವಿನಿಮಯ ಆಧಾರದ ಮೇಲೆ ವಿದ್ಯುತ್ ಖರೀದಿಸಲು ಒಪ್ಪಂದ ಮಾಡಿಕೊಳ್ಳಲಾಗಿದೆ.
ಮಾರ್ಚ್ 1ರಿಂದ 15ರವರೆಗೆ, ಕೂಡಗಿಯ ಎನ್‌ಟಿಪಿಸಿಯಿಂದ 310 ಮೆಗಾವಾಟ್ ಹೆಚ್ಚುವರಿ ವಿದ್ಯುತ್ ಪಡೆದುಕೊಳ್ಳಲಾಗಿದೆ. ಮಾರ್ಚ್ 15ರಿಂದ ಇದನ್ನು 100 ಮೆಗಾವಾಟ್ ಹೆಚ್ಚಿಸಿ ಒಟ್ಟು 410 ಮೆಗಾವಾಟ್ ವಿದ್ಯುತ್ ಸರಬರಾಜು ಮಾಡಲಾಗುತ್ತಿದೆ.
ಇದಲ್ಲದೆ, ಮಾರ್ಚ್‌ನಿಂದ ಮೇ ಅಂತ್ಯದವರೆಗೆ, ಇಂಧನ ಸುರಕ್ಷತಾ ನೀತಿಯಡಿ, ಇತರ ರಾಜ್ಯಗಳಿಂದ ಪ್ರತಿದಿನ 1,000 ಮೆಗಾವಾಟ್ ವಿದ್ಯುತ್ ಖರೀದಿಗೆ ಪಿಸಿಕೆಎಲ್ (PCKL) ಒಪ್ಪಂದ ಮಾಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Read More News/ ಇನ್ನಷ್ಟು ಸುದ್ದಿ ಓದಿ:
ಕರ್ನಾಟಕದಲ್ಲಿ ಹೀಟ್ ವೇವ್ (Heat Wave) ಎಚ್ಚರಿಕೆ: ಸರ್ಕಾರದಿಂದ ಮಾರ್ಗಸೂಚಿ ಬಿಡುಗಡೆ
ಲೋಡ್ ಶೆಡಿಂಗ್ ಭೀತಿ – ಅಧಿಕಾರಿಗಳ ಸ್ಪಷ್ಟನೆ:
ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತ (KPTCL) ಮತ್ತು ಇತರ ವಿದ್ಯುತ್ ವಿತರಣಾ ಸಂಸ್ಥೆಗಳ (ESCOMS) ಗಳ ಪ್ರಕಾರ,ಹೆಚ್ಚಿನ ವಿದ್ಯುತ್ ಉತ್ಪಾದನೆ ಮತ್ತು ಖರೀದಿಗೆ ಪ್ರಯತ್ನಿಸುತ್ತಿದೆ ಮತ್ತು ರಾಜ್ಯದಲ್ಲಿ ಸ್ಥಿರ ವಿದ್ಯುತ್ ಪೂರೈಕೆಗಾಗಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಯಾವುದೇ ರೀತಿಯ ಲೋಡ್ ಶೆಡಿಂಗ್ ಸದ್ಯ ಇಲ್ಲ, ಆದರೆ ಇದೆ ರೀತಿ ಬೇಡಿಕೆ ಹೆಚ್ಚಾಗುತ್ತಿದ್ದರೆ, ನಿಯಂತ್ರಿತ ಲೋಡ್ ಶೆಡ್ಡಿಂಗ್ ಅನಿವಾರ್ಯ ಆಗಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಜನತೆಗೆ ವಿನಂತಿ:
ಸರ್ಕಾರ ಹಾಗೂ ವಿದ್ಯುತ್ ಇಲಾಖೆ ಸಾರ್ವಜನಿಕರಿಗೆ ವಿದ್ಯುತ್ ಬಳಕೆಯನ್ನು ನಿಯಂತ್ರಿಸಲು ಕೆಲವು ಸೂಚನೆಗಳನ್ನು ನೀಡಿವೆ:
- ⚡ ಅಗತ್ಯವಿಲ್ಲದ ವಿದ್ಯುತ್ ಉಪಕರಣಗಳನ್ನು ನಿಷ್ಕ್ರಿಯಗೊಳಿಸಿ.
- ⚡ ಗ್ರೀನ್ ಎನರ್ಜಿ (solar power) ಬಳಕೆ ಹೆಚ್ಚಿಸಿ.
- ⚡ ಹೆಚ್ಚು ವಿದ್ಯುತ್ ಬಳಕೆಯಾಗುವ ಅವಧಿಯಲ್ಲಿ (peak hours: ಬೆಳಿಗ್ಗೆ 10AM – ಮಧ್ಯಾಹ್ನ 2PM, ರಾತ್ರಿ 6PM – 10PM) ಕಡಿಮೆ ಬಳಕೆ.
- ⚡ ಬಳಸಿ-ಬಿಟ್ಟ ವಿದ್ಯುತ್ ಉಪಕರಣಗಳನ್ನು ಪ್ಲಗ್‌ಔಟ್ ಮಾಡಿ.
ಹೊಸ ಮಾಹಿತಿ ಹಾಗೂ ಲೋಡ್ ಶೆಡಿಂಗ್ ಕುರಿತ ಅಪ್‌ಡೇಟ್‌ಗಾಗಿ quicknewztoday.com ಅನ್ನು ಭೇಟಿ ಮಾಡಿ.
Author Info
