PM Kisan 24th Installment: ರೈತರಿಗೆ ಆರ್ಥಿಕ ನೆರವು ನೀಡುವ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ (PM-KISAN) ಯೋಜನೆಯ 24ನೇ ಕಂತಿನ ಹಣವನ್ನು ಅಕ್ಟೋಬರ್ 30, 2026 ರಂದು ರೈತರ ಖಾತೆಗೆ ಬಿಡುಗಡೆ ಮಾಡಲಾಗಿದೆ. 9.34 ಕೋಟಿ ರೈತರು ಈ ಲಾಭ ಪಡೆದಿದ್ದು, ನಿಮ್ಮ ಖಾತೆಗೆ ₹2,000 ಬಂದಿದೆಯಾ? ಮೊಬೈಲ್ ಮೂಲಕ ಫಲಾನುಭವಿಗಳ ಪಟ್ಟಿಯನ್ನು (Beneficiary List) ಚೆಕ್ ಮಾಡುವ ವಿಧಾನ ಇಲ್ಲಿದೆ.
ರೈತರಿಗೆ ಭರ್ಜರಿ ಸಿಹಿಸುದ್ದಿ: ಪಿಎಂ ಕಿಸಾನ್ 24ನೇ ಕಂತಿನ (PM Kisan 24th Installment) ಹಣ ಬಿಡುಗಡೆ! ನಿಮ್ಮ ಹೆಸರಿದೆಯಾ ಚೆಕ್ ಮಾಡಿ
ನಮಸ್ಕಾರ ನಾಡಿನ ಸಮಸ್ತ ಅನ್ನದಾತ ರೈತ ಬಾಂಧವರಿಗೆ! ಕೃಷಿ ಚಟುವಟಿಕೆಗಳಿಗೆ ಅಗತ್ಯವಿರುವ ಸಣ್ಣಪುಟ್ಟ ಖರ್ಚುಗಳನ್ನು ನಿಭಾಯಿಸಲು ಹಾಗೂ ರೈತರಿಗೆ ಆರ್ಥಿಕ ನೆರವು ನೀಡುವ ಉದ್ದೇಶದಿಂದ ಕೇಂದ್ರ ಸರ್ಕಾರವು ಜಾರಿಗೆ ತಂದಿರುವ ಮಹತ್ವಾಕಾಂಕ್ಷೆಯ ಯೋಜನೆಯಾದ ‘ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ’ (PM-KISAN) ಯೋಜನೆಯಡಿ ಇದೀಗ 24ನೇ ಕಂತಿನ ಹಣ ಬಿಡುಗಡೆಯಾಗಿದೆ. ಪ್ರತಿ ವರ್ಷ 6,000 ರೂಪಾಯಿಗಳನ್ನು ತಲಾ ₹2,000 ರಂತೆ ಮೂರು ಕಂತುಗಳಲ್ಲಿ ಅರ್ಹ ರೈತರ ಬ್ಯಾಂಕ್ ಖಾತೆಗೆ ನೇರವಾಗಿ ಜಮಾ ಮಾಡಲಾಗುತ್ತದೆ.
WhatsApp Channel
Telegram Channel
ನೀವು ಇಂಟರ್ನೆಟ್‌ನಲ್ಲಿ ಪ್ರಸ್ತುತ PM Kisan 24th Installment ಅಥವಾ PM Kisan Status Check ಕುರಿತು ಹುಡುಕುತ್ತಿದ್ದರೆ, ನಿಮಗಾಗಿ ಅತ್ಯಂತ ನಿಖರವಾದ ಮಾಹಿತಿ ಇಲ್ಲಿದೆ. ಇದೇ ಅಕ್ಟೋಬರ್ 30, 2026 ರಂದು ದೇಶಾದ್ಯಂತ ಒಟ್ಟು 9.34 ಕೋಟಿ ರೈತರ ಬ್ಯಾಂಕ್ ಖಾತೆಗಳಿಗೆ 24ನೇ ಕಂತಿನ ಆರ್ಥಿಕ ನೆರವನ್ನು (₹2000) ಪ್ರಧಾನಿ ನರೇಂದ್ರ ಮೋದಿಯವರು ವಿಡಿಯೋ ಕಾನ್ಫರೆನ್ಸ್ ಮುಖಾಂತರ ಡಿಬಿಟಿ (DBT) ಮೂಲಕ ವರ್ಗಾವಣೆ ಮಾಡುವ ಕಾರ್ಯಕ್ಕೆ ಚಾಲನೆ ನೀಡಿದ್ದಾರೆ. ಈ ಲೇಖನದಲ್ಲಿ ನಿಮ್ಮ ಖಾತೆಗೆ ಹಣ ಬಂದಿದೆಯಾ ಎಂದು ಮೊಬೈಲ್ ಮೂಲಕವೇ ಚೆಕ್ ಮಾಡಿಕೊಳ್ಳುವುದು ಹೇಗೆ? ಊರಿನ ಫಲಾನುಭವಿಗಳ ಪಟ್ಟಿಯಲ್ಲಿ ನಿಮ್ಮ ಹೆಸರಿದೆಯಾ ಎಂದು ನೋಡುವುದು ಹೇಗೆ ಎಂಬುದನ್ನು ಸರಳವಾಗಿ ವಿವರಿಸಲಾಗಿದೆ, ಪೂರ್ತಿಯಾಗಿ ಓದಿ.
ಪಿಎಂ ಕಿಸಾನ್ 24ನೇ ಕಂತಿನ ಫಲಾನುಭವಿಗಳ ಪಟ್ಟಿ (Beneficiary List) ಚೆಕ್ ಮಾಡುವುದು ಹೇಗೆ?
ಈಗಾಗಲೇ ಪಿಎಂ ಕಿಸಾನ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿ 24ನೇ ಕಂತಿನ ಆರ್ಥಿಕ ನೆರವು ಪಡೆದ ರೈತರ ಹಳ್ಳಿವಾರು ಪಟ್ಟಿಯನ್ನು ಪ್ರಕಟಿಸಲಾಗಿದೆ. ನಿಮ್ಮ ಮೊಬೈಲ್ ಮೂಲಕವೇ ಈ ಪಟ್ಟಿಯಲ್ಲಿ ನಿಮ್ಮ ಹೆಸರಿದೆಯಾ ಎಂದು ಈ ಕೆಳಗಿನ ಹಂತಗಳನ್ನು ಅನುಸರಿಸಿ ಪರೀಕ್ಷಿಸಿಕೊಳ್ಳಿ:
- ಹಂತ 1: ಮೊದಲು ನಿಮ್ಮ ಮೊಬೈಲ್‌ನಲ್ಲಿ ಗೂಗಲ್ ಓಪನ್ ಮಾಡಿ, ಪಿಎಂ ಕಿಸಾನ್‌ನ ಅಧಿಕೃತ ವೆಬ್‌ಸೈಟ್: https://pmkisan.gov.in/beneficiarystatus_new.aspxಗೆ ಭೇಟಿ ನೀಡಿ. (ಅಥವಾ “PM Kisan Farmer List 2026” ಎಂದು ಹುಡುಕಿ).
- ಹಂತ 2: ವೆಬ್‌ಸೈಟ್‌ನ ಮುಖಪುಟದ ಬಲಭಾಗದಲ್ಲಿ ಕಾಣುವ ‘Farmer Corner’ ವಿಭಾಗದಲ್ಲಿ “Beneficiary List” (ಫಲಾನುಭವಿಗಳ ಪಟ್ಟಿ) ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
- ಹಂತ 3: ಹೊಸ ಪೇಜ್ ಓಪನ್ ಆಗುತ್ತದೆ. ಅಲ್ಲಿ ನಿಮ್ಮ ರಾಜ್ಯ (State), ಜಿಲ್ಲೆ (District), ಉಪ-ವಿಭಾಗ (Sub-District / Taluk), ಬ್ಲಾಕ್ (Block) ಹಾಗೂ ಕೊನೆಯದಾಗಿ ನಿಮ್ಮ ಹಳ್ಳಿ/ಗ್ರಾಮವನ್ನು (Village) ಆಯ್ಕೆ ಮಾಡಿಕೊಳ್ಳಿ.
- ಹಂತ 4: ಎಲ್ಲಾ ಮಾಹಿತಿಯನ್ನು ಆಯ್ಕೆ ಮಾಡಿದ ನಂತರ ಕೆಳಗಿರುವ “Get Report” ಬಟನ್ ಮೇಲೆ ಕ್ಲಿಕ್ ಮಾಡಿ. ಆಗ ನಿಮ್ಮ ಹಳ್ಳಿಯಲ್ಲಿ 24ನೇ ಕಂತಿನ ₹2,000 ಹಣ ಪಡೆಯಲು ಅರ್ಹರಿರುವ ರೈತರ ಸಂಪೂರ್ಣ ಪಟ್ಟಿ ಕಾಣಿಸುತ್ತದೆ. ಈ ಪಟ್ಟಿಯಲ್ಲಿ ನಿಮ್ಮ ಹೆಸರಿದೆಯಾ ಎಂದು ಪರಿಶೀಲಿಸಿಕೊಳ್ಳಿ.
PM-KISAN ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡುವುದು ಹೇಗೆ?
ಮೊದಲು ನಿಮ್ಮ Android ಮೊಬೈಲ್‌ನಲ್ಲಿ Google Play Store ಅಥವಾ iPhone ಬಳಕೆದಾರರು Apple App Store ತೆರೆಯಬೇಕು.
- Search ಬಾಕ್ಸ್‌ನಲ್ಲಿ PM-KISAN ಎಂದು ಟೈಪ್ ಮಾಡಿ.
- ಅಧಿಕೃತ PM-KISAN ಮೊಬೈಲ್ ಆ್ಯಪ್ ಹುಡುಕಿ.
- ಆ್ಯಪ್ ಅನ್ನು Install ಮಾಡಿಕೊಳ್ಳಿ.
- ನಂತರ ಆ್ಯಪ್ ತೆರೆಯಿರಿ.
- ಅಗತ್ಯವಿರುವ ಮೊಬೈಲ್ ಸಂಖ್ಯೆ ಮತ್ತು OTP ಮೂಲಕ ಲಾಗಿನ್ ಆಗಿ.
ಅಧಿಕೃತ ಆ್ಯಪ್ ಬಳಸುವಾಗ ಮಾತ್ರ ಎಚ್ಚರಿಕೆ ವಹಿಸಿ. ಅಪರಿಚಿತ ಆ್ಯಪ್‌ಗಳಲ್ಲಿ ಆಧಾರ್ ಸಂಖ್ಯೆ, ಬ್ಯಾಂಕ್ ವಿವರ ಅಥವಾ OTP ಹಂಚಿಕೊಳ್ಳಬೇಡಿ.
PM-KISAN ಮೊಬೈಲ್ ಆಪ್ (App) ಮೂಲಕ ಹಣ ಜಮಾ ಆಗಿದೆಯಾ ಚೆಕ್ ಮಾಡುವ ವಿಧಾನ
ನಿಮ್ಮ ಮೊಬೈಲ್ ಆಪ್ ಮೂಲಕ ಸುಲಭವಾಗಿ ಖಾತೆಗೆ ಹಣ (Payment Status) ಬಂದಿದೆಯಾ ಎಂದು ಪರೀಕ್ಷಿಸಲು ಈ ಕೆಳಗಿನ ವಿಧಾನ ಅನುಸರಿಸಿ:
- ಆಪ್ ಡೌನ್‌ಲೋಡ್: ಆಂಡ್ರಾಯ್ಡ್ ಮೊಬೈಲ್ ಇದ್ದರೆ ‘Google Play Store’ ಮತ್ತು ಐಫೋನ್ ಇದ್ದರೆ ‘Apple App Store’ ಓಪನ್ ಮಾಡಿ, PM-KISAN ಎಂದು ಟೈಪ್ ಮಾಡಿ ಅಧಿಕೃತ ಆಪ್ ಡೌನ್‌ಲೋಡ್ ಮಾಡಿ ಇನ್‌ಸ್ಟಾಲ್ ಮಾಡಿಕೊಳ್ಳಿ.
- ಲಾಗಿನ್: ಆಪ್ ಓಪನ್ ಮಾಡಿ, ನಿಮ್ಮ ಪಿಎಂ ಕಿಸಾನ್ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ಲಾಗಿನ್ ಆಗಿ.
- ಸ್ಟೇಟಸ್ ಚೆಕ್: ಮುಖಪುಟದಲ್ಲಿರುವ ‘Beneficiary Status’ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ. ನಂತರ ನಿಮ್ಮ ರಿಜಿಸ್ಟ್ರೇಷನ್ ನಂಬರ್ (Registration Number) ನಮೂದಿಸಿ.
- ಒಟಿಪಿ: ಕೇಳಿದರೆ ನಿಮ್ಮ ಮೊಬೈಲ್‌ಗೆ ಬರುವ ಒಟಿಪಿಯನ್ನು ನಮೂದಿಸಿ. ಆಗ ನಿಮ್ಮ ಹಣದ ಸಂಪೂರ್ಣ ವಿವರ ಕಾಣಿಸುತ್ತದೆ. (ಇಲ್ಲಿ ‘Account Credited: Yes’ ಎಂದು ಬಂದರೆ ನಿಮ್ಮ ಖಾತೆಗೆ 24ನೇ ಕಂತಿನ ಹಣ ಜಮಾ ಆಗಿದೆ ಎಂದರ್ಥ. ಒಂದು ವೇಳೆ ‘No’ ಎಂದು ಬಂದರೆ ಇನ್ನೂ ಹಣ ಜಮಾ ಆಗಿಲ್ಲ ಎಂದರ್ಥ).
(ಆಪ್‌ನಲ್ಲಿ ನೋಡಲು ಸಾಧ್ಯವಾಗದಿದ್ದರೆ, ಅಧಿಕೃತ ವೆಬ್‌ಸೈಟ್‌ನಲ್ಲಿ “Know Your Status” ಲಿಂಕ್ ಕ್ಲಿಕ್ ಮಾಡಿ, ನಿಮ್ಮ ರಿಜಿಸ್ಟ್ರೇಷನ್ ನಂಬರ್ ಮತ್ತು ಕ್ಯಾಪ್ಚಾ ನಮೂದಿಸಿ, ಒಟಿಪಿ ಮೂಲಕವೂ ಪೇಮೆಂಟ್ ಸ್ಟೇಟಸ್ ಚೆಕ್ ಮಾಡಬಹುದು).
ಇದನ್ನೂ ಓದಿ: ಬೆಳೆ ವಿಮೆಗೆ FID ನಂಬರ್ ಕಡ್ಡಾಯ: ನಿಮ್ಮ ಎಲ್ಲಾ ಸರ್ವೆ ನಂಬರ್‌ಗಳನ್ನು ಜೋಡಣೆ ಮಾಡಿಸುವುದು ಹೇಗೆ?
ಖಾತೆಗೆ ಹಣ ಬರದಿದ್ದರೆ ಏನು ಮಾಡಬೇಕು? ಕಡ್ಡಾಯವಾಗಿ ಮಾಡಬೇಕಾದ 3 ಕೆಲಸಗಳು
ಒಂದು ವೇಳೆ ನಿಮ್ಮ ಊರಿನ ಪಟ್ಟಿಯಲ್ಲಿ ಹೆಸರಿದ್ದು, ಖಾತೆಗೆ ಹಣ ಬರದಿದ್ದರೆ (ಅಥವಾ ಪಟ್ಟಿಯಲ್ಲೇ ಹೆಸರಿಲ್ಲದಿದ್ದರೆ), ನೀವು ಈ ಕೆಳಗಿನ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿದ್ದೀರಾ ಎಂದು ಖಚಿತಪಡಿಸಿಕೊಳ್ಳಿ:
- ಇ-ಕೆವೈಸಿ (e-KYC) ಕಡ್ಡಾಯ: 24ನೇ ಕಂತಿನ ಹಣ ಪಡೆಯಲು ಆಧಾರ್ ಇ-ಕೆವೈಸಿ ಮಾಡಿಸುವುದು ಕಡ್ಡಾಯವಾಗಿದೆ. ನೀವು ಪಿಎಂ ಕಿಸಾನ್ ಪೋರ್ಟಲ್‌ನಲ್ಲಿ ನಿಮ್ಮ ಆಧಾರ್ ಸಂಖ್ಯೆ ಮತ್ತು ಆಧಾರ್‌ಗೆ ಲಿಂಕ್ ಆಗಿರುವ ಮೊಬೈಲ್ ನಂಬರ್‌ಗೆ ಬರುವ ಒಟಿಪಿ ಮೂಲಕ ಇ-ಕೆವೈಸಿ ಮಾಡಬಹುದು. ಅಥವಾ ಹತ್ತಿರದ ಸಿಎಸ್‌ಸಿ (CSC) ಕೇಂದ್ರಕ್ಕೆ ಹೋಗಿ ಬೆರಳಚ್ಚು ಮೂಲಕವೂ ಕೆವೈಸಿ ಮಾಡಿಸಬಹುದು.
- ಆಧಾರ್-ಬ್ಯಾಂಕ್ ಖಾತೆ ಲಿಂಕ್ (Aadhaar Seeding): ನಿಮ್ಮ ಬ್ಯಾಂಕ್ ಖಾತೆಗೆ ಆಧಾರ್ ಲಿಂಕ್ ಆಗಿದೆಯೇ ಹಾಗೂ ಎನ್‌ಪಿಸಿಐ (NPCI/DBT) ಮ್ಯಾಪಿಂಗ್ ಆಗಿದೆಯೇ ಎಂಬುದನ್ನು ಬ್ಯಾಂಕ್‌ಗೆ ಹೋಗಿ ಪರಿಶೀಲಿಸಿ. (ಆಧಾರ್ ಲಿಂಕ್ ಆಗದಿದ್ದರೆ ಹಣ ಬರುವುದಿಲ್ಲ).
- ಲ್ಯಾಂಡ್ ಸೀಡಿಂಗ್ (Land Seeding): ನಿಮ್ಮ ಜಮೀನಿನ ದಾಖಲೆಗಳು (ಪಹಣಿ/ಆರ್‌ಟಿಸಿ) ಆನ್‌ಲೈನ್‌ನಲ್ಲಿ ಅಪ್‌ಡೇಟ್ ಆಗಿದೆಯೇ (Land Seeding Status: Yes) ಎಂಬುದನ್ನು ನಿಮ್ಮ ರೈತ ಸಂಪರ್ಕ ಕೇಂದ್ರ ಅಥವಾ ಕಂದಾಯ ಇಲಾಖೆಗೆ ಭೇಟಿ ನೀಡಿ ಖಚಿತಪಡಿಸಿಕೊಳ್ಳಿ.
ಹೆಚ್ಚಿನ ಮಾಹಿತಿಗಾಗಿ ಸಹಾಯವಾಣಿ: ಪಿಎಂ ಕಿಸಾನ್ ಯೋಜನೆಯ ಬಗ್ಗೆ ಯಾವುದೇ ದೂರು ಅಥವಾ ಸಮಸ್ಯೆಗಳಿದ್ದರೆ ಸರ್ಕಾರದ ಉಚಿತ ಸಹಾಯವಾಣಿ ಸಂಖ್ಯೆಗಳಾದ 155261 ಅಥವಾ 011-24300606 ಗೆ ಕರೆ ಮಾಡಿ ಮಾಹಿತಿ ಪಡೆಯಬಹುದು.
ಇಂತಹ ಕೃಷಿ ಸಂಬಂಧಿಸಿದ ಸುದ್ದಿ ನೋಟಿಫಿಕೇಶನ್‌ಗಳನ್ನು ತಕ್ಷಣವೇ ಪಡೆಯಲು! WhatsApp, Facebook & Telegram ಗ್ರೂಪ್‌ಗಳಿಗೆ ಸೇರಿ. Click to Join Below Button
Facebook Page
